話别-記念主恩

2021年3月 8日

得人, 你好! 其實我都好少咁樣稱呼你. 多數叫” 牧師” 或” 爸爸”.

係信瑤呀! 現在有機會來到康復院探你, 今早有特准至可以出來, 因為Waterford有疫情, 又實行封鎖兩週. …. 無理咁多, 同你傾計, 數算下神的恩典先!

感謝神, 祂 將你同我, 兩個喪偶者放埋一齊, 結婚40多年. 有你在我身邊陪伴著, 真有福! 你知有時我做錯事, 或冒失開口, 你總會細細聲咁提醒我, 糾正我, 漸漸潛移默化地改變了我的思想甚至於我的人生觀, 以至我人生的下半場,活得好有意義! 我們在工場事奉主的時候, 彼此 互補不足. 更成為好拍擋. 感謝主!又多謝你呀, 好拍擋!

你是一位明智的爸爸, 使家庭氣氛和諧

 美恩是遺腹女, 兩三歲時外公又離開我地歸天父處, 她 自細由婆婆和媽媽奏大. 八、九歲時來美國紐約加入你家庭. 你使哥哥們不單接納她, 而且愛她. 使她能在健康的環境中成長. 你管教兒女嚴緊, 從不鬆懈. 你以身作則, 用主的真理引導展光, 展南, 展誠, 展騰和美恩. 你帶領他們信靠神, 敬畏神. 又幫助扶伴他們各自去經歷神. 兒女們每個 都學有所成. 各人先後選擇主內肢體為配偶, 結婚成家, 養育兒女, 夫婦同心協力事奉主. 兄嫂弟妹之間彼此相顧. 你話,  這些是否值得感謝神的事呀! 爸爸!你從來都不會主動帶我地上館子食餐. 但是, 你常會親自下廚 炸雞腿, 煎牛肝, 特煮中西式意粉等, 其味無窮, 常使家人怏怏樂樂地飽頓一餐.   日子過得很快, 神賜我們內外孫輩11名, 仲有四個活潑可愛的曾孫.

還有, 在1月18日晚上九時多, 你在住所廁間出來時跌倒在地, 發覺頭部流血, 被救護車送入醫院的急症室. 半夜三更,  在冰天雪地裏, 倚靈, 即展南的長女, 隻身跑到急症室, 她顧不得疫情嚴峻的危險. 她整夜在爺爺你身邊陪伴, 她又配合醫護人員對你身體各部的檢查. 你記得嗎? 係倚靈陪你呀! 跟住, 家人輪流 探望你.

有首歌仔係你兒時在連縣跟我老爺下鄉佈道時, 有一年輕的農夫唱的: “打破呢個窮機關,  用心出力也不難 ,  為人在世不怕苦哩, 粗茶淡飯又一餐.”  牧師, 你到現在仲記得, 我地一齊唱下!

有人問你:” 行奉獻服事主的路, 係唔係要放棄好多野架?” 你點答話!” 我根本就冇乜野, 無需放下”

記不起來嗎?!  於1977年神帶領你來紐約, 重建紐約華人宣道會(簡稱華宣). 你們 還債之後, 繼而造就信徒對宣教有認識和參與. 在90年代, 你退休之後, 華宣竟然可以成為差傳教會, 連同華聨會各堂支持我倆成為宣道總會的合伙宣教士(missionary associates), 差遣我倆去蘇利南. 你牧養蘇利南宣道會的信徒, 訓練作主的門徒, 愛人靈魂, 每禮拜四去探訪本地僑胞, 領人歸信耶穌. 你記得那教會差傳部長黃國維長老嗎?! 他策劃, 安排各短宣隊, 我地去皆因, 委內瑞拉, 瓜地馬拉, 巴西, 利瑪, 多明尼加, 亞魯巴等各地向僑胞傳福音, 帶佢地信耶穌, 繼而開設教會. 八年之後又來到巴拿馬傳福音, 植堂等. 雖唔容易, 但處處都經歷到神奇妙地為我們開傳福音的門, 又補滿我們的不足. 唔經唔覺, 過了19年. 我倆在外可以東奔西跑, 真係要感謝天父, 有主內肢體忠心耿耿地為我地守望支持.  仲有, 我們家的兒女們在後方大力支援, 除了代禱之外, 你記得冇: 每當我倆返紐約歇腳時, 兒女各家約齊聚一堂, 一家一菜/兩三鎹, 開開心心 飽嚐之後, 所謂開家庭會議多數就是談論”工場近況, 今後的宣教策略, 方向該如何等….” 到食甜品時, 孫輩們表演滿有創意的兒童節目: 唱歌/扮演等, 令你心花怒放…日後, 兒孫們都有參與短宣, 協助巴拿馬的事工.    你話係唔係滿心要讚美神呢 ?!

記得冇:2017年8月間, 你突然患上肺炎, 蒙主憐憫, 得到醫治及痊癒. 從此我地就返回紐約. 舊年有一次你午睡. 突然間有人講話…背誦(約3:16) 好多次, 又叫人舉手信耶穌….原來係你在夢中開佈道會!  好啦我們就唱” 神愛世人, 甚至將祂的, 獨生愛子賜給他們, 叫一切信祂的, 不至滅亡, 反得永生.”

牧師, 想唔到那是最後一次見面, 好唔捨得你離開(3/10) . 現在我們要聽從神的吩咐, 讓你安舒地在主耶穌所預備的天父的家裏!!!  他日我們會再見.

愛妻張信瑤哀記
2021年3月15日